Raysal Wasaare Xamse Cabdi Barre oo magacaabay xubno Wasiiro ah

Raysal Wasaaraha Somaliya, Xamse Cabdi Barre ayaa galabta magacaabay xubno ka mid noqonaya Golihiisa Wasiirada.

Raysal Wasaaraha ayaa General Bashiir Maxamed Jaamac (Bashiir Goobe), oo horey u ahaa Wasiiru Dowlaha Wasaaradda Howlaha Guud u magacaabay inuu noqdo Wasiirka Qoyska & Horumarinta Xuquuqul Insaanka.

Saciid Maxamed Maxamuud (Xayd) ayaa loo magacaabay Wasiiru Dowlaha Wasaaradda Howlaha Guud & Guriyeynta.

Sidoo kale Cumar Cali Cabdi ayaa loo magacaabay inuu noqdo Wasiiru Dowlaha Wasaaradda Gaashaandhigga.

Raysal Wasaare Barre ayaa Maxamuud Cabdiqaadir Xaaji (Jeego) u magacaabay Wasiir Kuxigeenka Wasaaradda Dhallinyarada & Ciyaaraha.

Raysal Wasaare Barre ayaa dhowr jeer isku shaandheyn ku sameeyay Xubnaha Golihiisa Wasiirada qaarkood, muddada labada sano ee xafiiska uu joogo.